هو وهي💏

كُتب بواسطة: تاريخ النشر: 14 سبتمبر, 2018 المشاهدات: 8 التعليقات: لا يوجد تعليقات

هو وهي💏 او الهو والنو😁
الكلام دا ليك وليها ، لكل حد عايز ينجح علاقته مع شريكة
علاقة الرجل والمرأة او علاقة الزهرة والمريخ او الهو والنو زي ما قولنا 😀
اسمها الهو والنو لانها زي علاقة الكلب والقطة كمثال مش حيوانات محدش يزعل
العلاقة باختصار تتلخص في فرق الدماغ وتركيبها واختلاف المفاهيم
هناخد مثال الكلب والقطة وحركة هز الذيل الحركة عند الكلب تدل علي العصبية والخناق وعند القطة تدل علي الفرح واللعب
العداوة بين الكلاب والقطط جت ازاي🤔
كان في قطة وكلب واقفين عايزين يلعبو مع بعض وفرحانين فالقطة من فرحتها هزت ذيلها فالكلب اتعصب جدا وشاف انه رايح يلعب معاها فهي تهز ذيلها وعايزة تتخانق😠😠فبدأ يهاجمها (ك رد فعل من وجهة نظره) فتستغرب القطة جدا وهي شايفة انها مبسوطة ورايحة تلعب معاه يهاجمها كدة فترد الهجوم ومن هنا جت العداوة.
هو دا بالظبط اللي بيحصل بين الرجل والمرأة كل واحد بيتصرف تصرفات من اجل اسعاد الاخر (من وجهة نظره) وينتظر انها تبسطه والمفروض انه يفرح بيها ؛لكن هي في الحقيقة مش بتفرق مع الطرف الاخر لان مش دا اللي هو عاوزه
فالبتالي كل طرف بيحس بعدم اهتمام من الطرف الاخر وانه مش بيقدر تعبه
ومن هنا بتحصل الفجوة وتبدأ المشاكل ………

———————————————
هو وهي💏
زي ما قولنا ان كل طرف ليه دماغ خاصة وان ربنا خلق دماغ كل طرف بطريقة معينة يعني مثلا
دماغ الست معقدة جدا وتقدر تعمل اكتر من حاجة في وقت واحد وتفكر في كذا حاجة في نفس الوقت فدماغها بتكون شغالة ع التوازي ودا طبعا عشان يناسب طبيعة شغلها في البيت
اما الراجل دماغة منظمة اكتر وبيعمل حاجة واحدة بس فدماغه شغالة ع التوالي
لو انتي بقي عايزة تروحي كام مشوار مع جوزك لازم توضحي بالظبط هتروحي فين وهتاخدي وقت اد ايه
اي مفاجئة مش في صالحك خالص😬😬
يعني مثلا هتقوليله النهاردة هنروح عند ماما ونقعد ساعتين واحنا راجعين هجيب كيلو طماطم احذرك😡 اوعي تقفي تجيبي نص كيلو خيار هتبقي ليلتك سودة 😆 لانه خلاص رتب دماغه ع ساعتين عند ماما وكيلو طماطم اي تغير في الخطة زي ما قولنا مش في مصلحتك
الخلاصة ان الراجل لو نازل يجيب حاجة يبقي هي الحاجة وبس لقاها تمام ملقهاش هيرجع اوعي تتصلي بيه وهو تحت تقوليله هات حاجة تانية معاك 😁😁
نيجي للست بقي ممكن تبقي نازلة تشتري كيلو طماطم فتلاقيها راجعة بجميع انواع الخضار (ما عدا الطماطم😁)والفاكهه وهدوم للعيال وحاجات من السوبر ماركت وتجيب التموين في السكة ميضرش😄
الخلاصة انها تبقي نازلة تجيب حاجات تلاقيها راجعة بحاجات تانية خالص😳
النتيجة بقي
لو حصل معاكي كدة الراجل هيتعصب جدا وانتي مش فاهمة في ايه دا نص كيلو خيار😕 هو اتجنن ولا ايه ولا بيتلكك عايز يتخانق دا راجل نكدي😔
وهو يقول هي مش بتزهق من اللف دي دماغها فاضية ايه اللي هي جايباه دا 😠 فطبعا هي تزعل كانت مستنيه كلمة شكر ع تعبها ولفها😏
وهنا يحصل الصدام😪😪

—————
هو وهي💏
نيجي بقي للهدايا وما ادراك ما الهداية😄😄
الهدايا من اكتر الحاجات اللي بتعمل مشاكل
هنقول ايه دلوقتي
الهدايا عند الراجل بالكم والكيف والثمن وكل حاجة 😊
عند الست بقي بالنقط 😁
بتقولي ايه؟😳
بقول بالنقط اه والله زمبئولك كدة😄
طب ازاي؟🤔
لما تجيب هدية لزوجتك او خطيبتك زي وردة هي بتحسبها نقطة ولو جبت شيكولاته فهي نقطة ولو اشتريت فستان بردة نقطة ولو جبت طقم الماظ بنقطة بردة ولو قلت كلمة حلوة بنقطة😃 معلش استحملونا شوية
تعالي بقي اقولك ع سر😉😉
اي حاجة هتجيبها هتتحسب بنقطة خليك انت بقي ذكي وهات الحاجات البسيطة وكتر من نقطك ورصيدك واهو تقضي الغرض😂😂
حتي لو كلمة حلوة كل شوية دا حتي الكلمة الطيبة صدقة والرسول (ص)قال “رفقا بالقوارير”
استني تعالي هنا القارورة اللي في البيت ملكش دعوة بقوارير الناس متوديناش في داهية😄😄
وجهة نظر الراجل :انه لما يجيب هدية غالية المفروض ان زوجته مثلا تقعد سنة مبسوطة بالهدية ومتطلبش حاجة تاني
عايزة اقولك انها في الاول والاخر نقطة
الخلاصة ان اي حاجة بتجيب نتيجة مع البنت ممكن كلمة حلوة او خروجة او وردة او كيس شيبسي …… خليك اذكي منها وخلي رصيدك مشحون ع طول
وانتي بقي اهدي شوية الراجل لما يجيب هدية حلوة وغالية احسبيها بنقطتين 😂😂😂😂
#دمتم_متحابين
———-
هو وهي💏
فرق الاحتياجات 😆
دي بقي بتسبب مشاكل اكتر من الهدايا بكتييييير دي اصلا اساس المشاكل
كل طرف بيعمل اقصي جهده عشان يسعد الطرف الاخر ولكن بدون نتيجة😏 دايما بعملها كل حاجة حلوة وهي مش عاجبها
وهي بتعمل كل حاجة حلوة عشان خاطرة وبردة مش عاجبة
ليه بقي؟🤔🤔
هقولوكو : اللي بيعمله كل طرف مش هو اللي الطرف التاني عايزه وان كان بالنسبالك هو اقصي ما في وسعك او افضل حاجة ممكن تتعمل😳
زي ايه؟
الراجل يفضل يشتغل ليل ونهار وكذا شغلانة في اليوم عشان يجيب فلوس تكفي البيت والولاد والمصاريف ومستني ان الست تقدر دا وتشكره كمان ؛ ولكن الست مش بتقدر وشايفة انه مش بيعمل اي حاجة عشانها ولا عشان الولاد هي كل اللي هي شايفاه ان الراجل طول الوقت برة البيت وهي محتاجاه انه يكون معاها في تربية الولاد مش بس المصاريف
وهنا تحصل المشكلة لان الراجل شايف انه مموت نفسه في الشغل ومش بيرتاح عشانها وهي مش مقدرة دا ولا شايفة انه بيعمل حاجة اصلا باختصار لان مش دا اللي هي عايزاه.
نيجي للست بقي : تروح تضرب شعرها اصفر ولا احمر ولا اخضر عشان تعمل مفاجئة لجوزها وتعجبه وتلاقيه ولا واخد باله اصلا من الحاجات دي ولا بيعرف الالوان من بعض لان دماغه فيها حاجات تانية ودي بالنسبالك تفاهات فبتشوف ان هي مش فارقة معاه ولا شكلها فارق معاه .
الخلاصة ان الشغل والفلوس حاجات مهمة جدا من وجهة نظرك لكن بالنسبالها لأ.
والشعر والميكب والوان المانكير والكنتور والهايلات وانك اخيرا لقيتي لون الكشمير اللي بتدوري عليه في الروج المط دي اهم حاجة ليكي في حين انه اصلا ميعرفش ايه كلام الكفار اللي انتي بتقوليه دا 😂😂
نصيحة بقي: حسو ببعض وبمشاكل واهتمامات بعض
انت شايف انها تافهه وفاضية بس دي حاجات مهمة ليها خدها ع اد عقلها ياعم وعدي ليلتك. وانتي متأفوريهاش يا فوزية الرجالة مفيهاش دماغ لكدة😄😄.
انت بقي الشغل مهم ليك بس وجودك في البيت اهم من الفلوس وفق بين شغلك وبيتك “خير الامور الوسط”.
#دمتم_متحابين
———————————-

هو وهي💏
الخناق والعتاب
خلينا متفقين ان اي علاقة بيحصل فيها مشاكل وخناقات
موضوعنا مش في المشاكل والخناقات دي ابسلوتلي😁 موضوعنا علي ما بعد ذلك وهو (الصلح)
بعد ما بتحصل المشكلة بشوية تلاقي الراجل جاي وبيتكلم معاكي عادي جدا وكأن شيئ لم يكن ☺
احب اقول لحضرتك ان الست مينفعش معاها كدة لازم تعاتب وتقول كل اللي جواها .
فالراجل ييجي يكلمها تقوله هو بمزاجك تتخانق وقت ما تحب وتصالح وقت ما تحب وهو يقول عليها نكدية وبتحب المشاكل
بس خلي بالك😨 هي لو عدت الموضوع كدة واتصالحت هتلاقيها بتخزن مرة ع مرك لحد ما تنفجر ع اي سبب ساعتها هتبقي المشكلة كبيرة وصعب حلها.
وعلي رأي الست اليسا😁”في واحدة اد ما تضحي وتستحمل اول ما بتفكر تمشي مابتستأذنش” هتلاقيها مشيت ع طول😐😐
نصيحة بقي سيبها تقول كل اللي جواها ومضايقها واسمعها دا لمصلحتك ع فكرة انت اصلا طول الوقت بتسمعها وانت مش مركز معاها كمل جميلك بقي😉

The post هو وهي💏 appeared first on بيتك Bytaak.

إضافة رأيك

لن يتم نشر عنوان بريدك الإلكتروني. الحقول الإلزامية مشار إليها بـ *