السلام النفسي

كُتب بواسطة: تاريخ النشر: 14 سبتمبر, 2018 المشاهدات: 17 التعليقات: لا يوجد تعليقات

كلنا عندنا حاجات في شخصيتنا محتاجه تتصلح حاجات مش بتخلينا نمارس الحياه طبيعي خلينا بقى نسميها عقد نسميها كلاكيع سموها زي ما تحبوا
ممكن تكون من واحنا صغيرين بسبب خطأ في التربيه أو تكون مكتسبه من البيئه المحيطه أو من الأصدقاء المهم أن هي حاجات لازم نتخلص منها ممكن انا مكنش عارفه ايه هي فعلا بس لازم احاول اتعرف عليها واتخلص منها لأنها هي بتبقى السبب في انك متتقدمش في حياتك بتبقى السبب في انك بتحاول تعمل حاجة كويسة بس بتبقى حاسس ان في حاجه بتشدك ومش عاوز تكمل هي دي بقى الكلاكيع أو العقد
ازاي بقى نتخلص من العقد دي
في خمس حاجات
اول حاجة الإيمان بالله مثلا تلاقي واحد بقى ملحد ويقول مفيش ربنا وما أكثرهم دلوقتي بسبب مثلا موقف اتعرضله وهو صغير مثلا راح المسجد ولا حاجة وحد ضربه ولا زعقله كره الدين وألحد وبقي يقول مفيش ربنا اهي دي عقده بقى فعلا.. لازم كل واحد يشوف مشكلته من جواه إذا عنده مشكلة مع الإيمان بالله ولا لا ويصلحها
النقطه التانيه العيله والصداقة والزواج بنسمع كتير مثلا من الناس اللي مقبله ع الزواج اللي يقولك لا انا مش عاوز واحدة قويه انا عاوزه انا اللي كلمتي تبقى مسموعه واللي انا اقوله هو اللي يمشي وانا الراجل وانا البتاع اهو ده عنده عقده والبنت تقولك لا انا مش عاوزه اتجوز اصلا انا رافضه كل جنس الرجال انا ليه حد يتحكم فيا وبتاع وما أكثرهم بردو
النقطه التالته الفلوس البخيل مثلا هل هو اتولد كده لا طبعا ممكن يكون طلع لقى أهله فقراء فلما هو بقى معاه فلوس بقى يخاف يصرف منها احسن يبقى فقير زي أهله.. وممكن يكون لقى أمه أو أبوه بيستخسروا فيه الحاجه ويفضلوا انهم يحوشوا الفلوس من باب القرش الأبيض ينفع في اليوم الأسود وبسببهم بقى بخيل واللي كمان بيبص للغني انه حرامي وبيستغل الناس وأدى كمان عقده
النقطه الرابعه الصحه يعني مثلا في عيله تلاقيهم بيتجمعوا مثلا ع العشاء وياكلوا أكل دسم وهما مش شايفين ان هنا مشكله كبر حد فيهم لقى نفسه أصيب بمرض بقى يقول آه ده بسبب اهلي وعاده غلط ويتعقد بردوا نشوف مشاكلنا مع الصحه ونحاول نتخلص من العقد
النقطه الخامسه هي السياسه يعني مثلا انا كبرت لقيت ابويا أو امي متبعين اتجاه سياسي معين فا انا لازم اتبعهم زي واحد طلع لقى أبوه اهلاوي قال آه انا كمان اهلاوي
لازم نلخص كده الخمس نقاط دول بيعنوا ليا ايه مايمكن المعتقدات اللي انا عايشه فيها بقالي سنين دي تكون بعيده تماما عن الحياه بعيده تماماً عن الحقيقة لازم نفتح المجال لنفسنا ونشوف ايه الأخطاء اللي موجوده عندنا ونحاول نصلحها
بعد ما عرفنا النقط دي بقى في جمل كده نشوف هي موجودة عندنا ولا لا
أول حاجة انا مقدرش اعمل كده علشان.. مثلا مقدرش ابدأ في مشروعي علشان خايف اخسر.. مقدرش ارتبط لا علشان اكيد كل الارتباط وحش
تاني حاجة انا مش مؤمن بكده… مثلا والعياذ بالله انا مش مؤمن بربنا.. انا مش مؤمن بفكره الجواز وهنا بردو في خلل
تالت جمله انا مش محتاج حد.. انا مش محتاج ست في حياتي.. أو انا مش محتاجه راجل في حياتي أو انا مش محتاج اكمل تعليمي
رابع جمله انا مش كويس.. انا مش كويس في تعليمي انا مش كويس في شغلي انا عايش ليه اصلا وهنا بردو في خلل
خامس جمله والأهم من كل دول.. لا مش غلطتي لا مش انا السبب.. كل الناس عارفين ان انت الغلطان بس انت مش عاوز تقتنع انك انت الغلطان كده بتزيد الحمل على شخص تاني فبترتاح انت من جواك بس انت بردو عارف ان انت اللي غلطان وإذا ما اعترفتش هتفضل العقد دي موجود وبتكبر معاك.
بعد بقى ما قولنا ده كله في حاجه مهمه ومهمه اوي كمان ان هذا ما وجدنا عليه أباؤنا لما ابويا مثلا يطلع مدخن وانا كمان ابقى مدخن يبقى في هنا مشكله وكمان العنصريه اللي بتاخدها من أهلك يعني لالا انا غني متقدمش لدى دي فقيرة.. لا ده انا بابي ظابط ما اتجوزش اللي بباه موظف عادي ده او حد غلبان
التخلف بقى وموضوع الضرب ابويا أو امي كانوا دايما يضربوني لازم بقى ابقى زيهم واطلع كده على عيالي.. لو ابويا كان بيضرب امي وبيهينها لازم انا كمان اهين مراتي واضربها
فكروا معايا كده بغلطه عملتوها مثلا الشهر اللي فات أو السنه اللي فاتت وخايفين حد يعرفها
فكرتوا.. طب تخيلوا كده ان الغلطه دي بقى انتشرت ع الفيس وبقت هيصه
نفس الشئ مع العقد والكلاكيع دي حاجات جواك وانت مش عارفها تخيلوا انتشرت والناس عرفت اني عنصري ولا اني عندي تخلف كده ولا انا غلطان في حاجه ورميت غلطي على غيري هيبقى ايه الموقف ساعتها
يبقى لازم اتعرف ع العقد اللي عندي دي واتخلص منها لأنها بتعوق حياتي وتفكيري
نيجي بقى للأهم ازاي أحل العقد والكلاكيع دي
اول حاجة كن نفسك ومتكدبش على نفسك محدش هيستفاد بس انت هتضر نفسك بكذبك ده
تاني حاجة خد يوم off يوم بعيد عن الحياه وخد وقت واقعد مع نفسك صفي ذهنك شوف ايه الصح وايه الغلط تالت حاجة نحل الاسئله ونجاوب ع الجمل اللي فوق دي اكيد فيا حاجه غلط اكيد كلنا عندنا عقد لازم نصلحها
رابع حاجة خدوا قرارات مهمه في حيتكوا علشان اللي يبص عليك يحس انك حر انت مش مهتم لرأي حد انت عايش علشان الرسالة اللي ربنا خلقك علشانها انت عايش لهدف معين
بعد ما قلنا ده كله نبدأ بقى نشوف عقدنا ونتخلص منها ونحلها لأن مفيش وقت الواحد لو هيعيش 80 سنه بيعدوا هوا فعلا
بس كده

The post السلام النفسي appeared first on بيتك Bytaak.

إضافة رأيك

لن يتم نشر عنوان بريدك الإلكتروني. الحقول الإلزامية مشار إليها بـ *